عايز تعمل توقيع فلاشى اتفضل ادخل هنا
صفحة 1 من اصل 1
عايز تعمل توقيع فلاشى اتفضل ادخل هنا
من طرف الطير المسافر الجمعة يوليو 22, 2011 12:02 am
إزيكم يا احلى أعضاء
الأول أحب اشكر أفرجينيا لإنها نزلت شرح للتوقيع
الفلاشى قبل كده وناس كتير استفادت من الشرح ده وانا منهم بس فيه ناس لسه
بتقابلها مشاكل فى عمل التوقيع الفلاشى. انا هحاول اشرح إزاى نعمل توقيع
فلاشى وهنمشى خطوة خطوة وان شاء الله الشرح هيعجبكم
أول حاجة لازم يكون عندنا برنامج سويتش ماكس الى هيساعدنا فى عمل التوقيع الفلاشى
بس قبل مانحمل البرنامج لازم يكون عندنا برنامج الانترنت دونلود مانيجر وبرنامج الوينرار
لتحميل برنامج انترنت دونلود مانيجر ادخل على رابط موضوع البرنامج هنا ع المنتدى
IDM
لتحميل برنامج الوينرار ادخل على رابط موضوع البرنامج هنا ع المنتدى
WinRar
بعد كده نحمل برنامج السويتش ماكس واللى انا منزله قبل كده وده رابط الموضوع
Switch Max
نزلنا البرنامج وكله تمام؟ تمام
نفك الملف الى نزلناه ونفتح مجلد البرنامج وهنضغط على الملف الى اسمه SetupSwishmax2
ده ملف تسطيب البرنامج لكن التانى ده الكراك بتاع البرنامج هنسط البرنامج زى اى برنامج عادى
نضغظ Next وبعدين Yes وبعدين Next وفى الآخر Close
هيظهر لنا الصفحة دى
الصفحة دى نقفلها ومنعملش فيها حاجة ونروح لمجلد البرنامج ونعمل نسخ للملف الى اسمه SwishMax2
اللى هوا كراك البرنامج وننسخه فى المسار ده
C:\Program Files\SWiSH Max2
هتظهر رسالة الاستبدال .. نختار نعـم
ونروح بعد كده لسطح المكتب هنلاقى اختصار للبرنامج نفتحه بقا عادى خالص
*ملحوظة: الكلام الى هيجى دلوقتى مطبق على الإصدار الى احنا محملينه ده
فيه اصدارات تانية للبرنامج ده الشرح فيها بيختلف
بعد مانفتح البرنامج هتظهر شاشة البدء بتسألنا احنا عايزين نعمل ايه
اول حاجة انشاء فيلم جديد New movie
تانى حاجة انشاء فليم جديد باستخدام حاجة اسمها القوالب ودى لما نعمل فيلم جديد باستخدام ابعاد محددة New from template
تالت حاجة فتح فيلم متخزن قبل كده Open
احنا هنختار اول واحدة New movie
هتظهر الواجهة الرئيسية للبرنامج
طبعا هو المفروض اشرح كل شريط لوحدة وشرح خواص كل اداة بس عشان مطولش عليكم هخش علطول على عمل الفيلم أو التوقيع
أول حاجة تحدد ابعاد ومقاسات التوقيع نضغط على Movie Properites
ونحدد الطول والعرض وليكن العرض 500 والطول 300 ولو كان التوقيع فى عدة صور
حنحدد معدل الإطارات يعنى نحدد المدة الى بين كل صورة والتانية من كلمة
Frames Rate
ونضغط اوكى
بعد كده هنضيف الصورة الى احنا عايزنها من قائمة file
نختار import to stage
ونختار منها image
هندور ع الصورة الى احنا عيزينها ونضغط عليها وأوكى
هنلاقى الصورة نزلت ع البرنامج . لازم نخلى ابعاد
الصورة نفس أبعاد مساحة العمل يعنى نصغر الصورة او نكبرها (على حسب مساحة
الصورة) بحيث تغطى مساحة العمل بالظبط
كده مثلا
لو عزنا نكتب أى حاجة على الصورة هنختار من شريط الأدوات حرف T ونضغط عليه زى ما فى الصورة كده
بعد كده نروح ع المكان الى احنا عايزين نكتب فيه الكلمة
ونضغط كليك ونكتب الى احنا عيزينه ولو احتجنا نغير الخط ونوعه ولونه وكده
نحدد الكلمة بالضغط عليها دابل كليك ومن القائمة دى نعمل الى احنا عيزينه
موجود فى البرنامج تأثيرات للكلام يعنى لو عزنا نعمل حركة للكلمة
هنحدد الكلمة بالضغط عليها دابل كليك ونروح لقائمة Insert
ومنها effect
ومنها أى تأثير نحب نعمله تأثير للكلمة زى الصورة دى كده
بس انا فى توقيعى الى بعمله دلوقتى مش هكتب حاجة
الوقتى هنشوف ازاى نضيف مقطع صوت على الصورة بس يستحسن المقطع ده تكون مدته قليلة ركزوا معايا شويه
اول حاجة نضغط على قائمة insert ومنها ******ومنها event ومنها Button ومنها (on roll over)
وبعد كده هتظهر شاشة صغيرة كده بدل مساحة العمل هندور
على كلمة add ****** ونضغط عليها ومنها sound ومنها play sound زى ما فى
الصورة كده
وبعدين نضغط على كلمة import وندور على المقطع الى احنا مجهزينه للصورة
ونضغط open هنلاقى اسم المقطع ظهر فى المربع الى جمب كلمة import الى هو
دا
بعد كده هنضغط على اسم المقطع وليكن (يا الله) كمثال على توقيعنا ده بس نضغط دابل كليك
هتظهر شاشة تانية نضغط منها على اوكى ودى صورة ليها
بعد كده نروح على كلمة add ****** ونختار منها events
ومنها Button ومنها roll out زى ما هو واضح فى الصورة
بعد كده هنختارمن add ****** امر sound
ومنه stop sound
هيظهر بعد كده المربع الى جمب كلمة import
اللى فيه اسم المقطع نضغط عليه تانى مرة دابل كليك ونختار من الصفحة الى هتفتح اوكى
بعد كده نروح على كلمة Layout scene_1 ونضغط عليها
ودى صورة لمكانها
بعد الضغط على الكلمة دى هنرجع تانى للصورة
كده بقا احنا خلصنا توقيعنا هنعملله معاينة من علامة التشغيل الى فوق ودى صورة لمكانها
لما نعوز نوقف المعاينة نضغط على علامة المربع الى جمب علامة التشغيل دى
بعد كده بنحفظ الى احنا عملناه ده ونحوله لصيغة swf
نروح على قائمة file ونختار منها export ومنها swf
زى ما هو واضح فى الصورة
ونحفظ الملف ده بأى اسم وفى أى مكان وهتيجى شاشة بعد كده نختار منها اوكى عادى
التوقيع الوقتى خلص لسه بس ازاى نرفعه ع المنتدى
اول حاجة لازم نشوف موقع رفع كويس وانا انصحكم بموقع رفع انا بستخدمه شخصيا وده الرابط بتاعه
http://up.2sw2r.com/
نعمل منه Browse عادى ونختار ملف التوقيع ونعمل تحميل وننتظر حتى يتم الانتهاء من الرفع
لما تحميل الرفع يخلص هنلاقى ظهر رابط الملف نعمله كوبى ونروح للمنتدى بتاعنا ونختار تعديل التوقيع عادى
نمسح توقيعنا القديم ونختار المربع الى عليه حرف f الابيض ده
بعد الضغط عليه هنلصق رابط الملف الى احنا نسخينه من موقع الرفع وبعد كده
هيطلب منا المقاسات هتشوف بقا انت عامل التوقيع فى الاول على مقاسات ايه
احنا هنا عملينه على مقاس 500 عرض و 300 طول وبعدين اوكى وبعدين نعمل
معاينة للتوقيع نشوفه الاول وبعدين نعمل حفظ للتوقيع وبكده يكون عندنا
توقيع فلاشى
ياريت مكونش طولت عليكم والشرح يكون عجبكم والى يقابله اى مشكلة يقولها وانا موجود
الطير المسافر- المدير العام
-
عدد المساهمات : 831
تاريخ التسجيل : 04/03/2011
العمر : 32 -
مواضيع مماثلة» تحميل مهرجان عايز اعيط mp3
» صحف القاهرة تبرز توقيع وثيقة الأزهر
» برنامج يجعل اي لعبة تعمل علي اي كارت شاشة
» خاص : موقع جول يرصد حقيقة أزمة الإعلانات في الأهلي بعد توقيع جوزيه لفودافون
» برنامج fun morph ادمج صورتين اصنع توقيع تلاعب بالصور باقل من 3 ميكا فقط
» صحف القاهرة تبرز توقيع وثيقة الأزهر
» برنامج يجعل اي لعبة تعمل علي اي كارت شاشة
» خاص : موقع جول يرصد حقيقة أزمة الإعلانات في الأهلي بعد توقيع جوزيه لفودافون
» برنامج fun morph ادمج صورتين اصنع توقيع تلاعب بالصور باقل من 3 ميكا فقط
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى